ԵՐԵՎԱՆ, 23 օգոստոսի – Sputnik. «Ապրելու երկիր» կուսակցության պայքարն իշխանությունների դեմ է, ոչ թե երեևանցիների։ Երևանի ավագանու ընտրությունների քարոզարշավի առաջին օրը ճեպազրույցի ժամանակ այս մասին ասաց «Ապրելու երկիր» կուսակցության նախագահ Մանե Թանդիլյանը։
Նրա խոսքով` քարոզարշավի ժամանակ իր մարտավարությունն ազնվությունն է լինելու։
«Խոսելու եմ ուղիղ ու բաց` ինչպես միշտ եմ արել, սակայն այս անգամ պետք է անեմ այնպես, որ նաև լսեն ու հավատան։ Այս ընտրությունները կարևորագույն հանգրվան են, որին մեր թիմը հասել է, և մենք ի վիճակի ենք երևանցիներին այնպիսի առաջարկ անել, որ նրանք կարողանան որակյալ իշխանափոխություն անել»,– վստահեցրեց նա։
Թանդիլյանը նշեց, որ իրենք ցանկանում են իշխանափոխություն իրականացնել, որպեսզի կարողանան կասեցնել այն ընթացքը, որով ՀՀ վարչապետ Նիկոլ Փաշինյանը տանում է Արցախի հարցի լուծումը։ Նրա համոզմամբ` դրա համար անհրաժեշտ է նաև ուժեղ Երևան, քանի որ Արցախի հարցը այս փոխկապակցված շղթայի մաս է։
«Արցախի հարցը մեզ համար միշտ օրակարգային է եղել, և մեր նախընտրական ծրագրում մենք, բացի կենցաղային խնդիրների լուծումներից, նաև քաղաքական առաջարկներ ունենք։ Մենք հասկանում ենք, որ սա առաջին հերթին քաղաքական ընտրություն է, հետո միայն քաղաքային»,– ընդգծեց «Ապրելու երկիր» կուսակցության նախագահը։
Ըստ նրա` ուժեղ Հայաստան և Երևան ունենալու համար առաջին հերթին պետք է լուծել անվտանգային համակարգում ու կրթության ոլորտում եղած խնդիրները։
Հիշեցնենք` Երևանի ավագանու ընտրություններին մասնակցելու հայտ են ներկայացրել հետևյալ ուժերը.
1.
«Հանրային ձայն» կուսակցություն2.
«Քաղաքացիական պայմանագիր» կուսակցություն3.
«Արդար Հայաստան» կուսակցություն4.
«Հաղթանակ» կուսակցություն5.
«Ուժը հայրենյաց» կուսակցություն6.
Հայաստանի եվրոպական կուսակցություն7.
«Ազգային առաջընթաց» կուսակցություն8.
«Հանուն սոցիալական արդարության» կուսակցություն9.
«Հանրապետություն» կուսակցություն9.10.
«Միացյալ Հայաստան» կուսակցություն11.
«Լուսավոր Հայաստան» կուսակցություն12.
«Ժողովրդավարական համախմբումը» կուսակցություն13.
«Ապրելու երկիր» կուսակցություն14.
«Մայր Հայաստան» (կազմում՝ «Երկիր Ծիրանի» և «Ինտելեկտուալ Հայաստան» կուսակցությունները) դաշինքԵրևանի ավագանու ընտրությունները կկայանան սեպտեմբերի 17–ին։ Նախընտրական քարոզարշավը մեկնարկել է այսօր` օգոստոսի 23–ին, կավարտվի սեպտեմբերի 15–ին։