ԵՐԵՎԱՆ, 17 օգոստոսի – Sputnik. Ռուսաստանի նախագահ Վլադիմիր Պուտինը իրանցի գործընկեր Իբրահիմ Ռայիսիի հետ հեռախոսազրույցի ընթացքում քննարկել է միջազգային և տարածաշրջանային հարցերում փոխգործակցության ընդլայնման հարցերը: Այս մասին հայտնում է Կրեմլի մամուլի ծառայությունը։
«Քննարկվել են միջազգային և տարածաշրջանային հարցերում փոխգործակցության ընդլայնման հարցեր, այդ թվում ՝ հաշվի առնելով Շանհայի համագործակցության կազմակերպությունում Իրանի ՝ որպես լիիրավ անդամի մասնակցությունը, ինչպես նաև ԲՐԻԿՍ-ի գործունեությանը միանալու շահագրգռվածությունը», - ասված է հաղորդագրության մեջ:
Հաստատվել է առևտրային, էներգետիկ, տրանսպորտային-լոգիստիկ և բնապահպանական ոլորտներում երկկողմ կապերի հետագա զարգացման տրամադրվածությունը:
Բացի այդ, Պուտինը ցավակցություն է հայտնել Ռայիսիին օգոստոսի 13-ին Շիրազ քաղաքի մզկիթում տեղի ունեցած ահաբեկչության կապակցությամբ: