ԵՐԵՎԱՆ, 16 օգոստոսի — Sputnik. Ստամբուլին մատակարարող ջրամբարներում ընդամենը երկու ամսվա պաշար է մնացել, եթե երաշտի շարունակվի, իրավիճակը կրիտիկական կդառնա։ Տեղեկությունը հայտնում է NTV հեռուստաալիքը:
Ստամբուլի ջրային ռեսուրսների և կոյուղու վարչության (ISKI) տվյալներով՝ ջրամբարների լցվածության աստիճանն այս պահին 33,37% է՝ ավելի քան 289 միլիոն խորանարդ մետր: Վերջին երկու շաբաթվա ընթացքում քաղաքը օրական 3-ից 3,5 միլիոն խորանարդ մետր ջուր էր սպառում։
«Քաղաքն ունի 91 օրվա պաշար, բայց եթե հաշվի առնենք, որ ջրի 25%-ը գոլորշիանում է, ապա պաշարները կբավականացնեն միայն 61 օր», - նշված է հաղորդագրության մեջ:
Իշխանության տվյալներով՝ երկու շաբաթվա ընթացքում ջրի մակարդակը նվազել է ավելի քան 4 տոկոսով։
Օդերևութաբանների կանխատեսումների համաձայն՝ առաջիկա տասն օրերին Ստամբուլում տեղումներ չեն սպասվում, ջերմաստիճանը կկազմի 30-32 աստիճան:
Քաղաքապետ Էքրեմ Իմամօղլուն սոցկայքերի միջոցով կոչ է արել քաղաքացիներին խնայել ջուրը:
Անցյալ օգոստոսին ջրամբարները լցված էին 62 տոկոսով։