ԵՐԵՎԱՆ, 11 օգոստոսի – Sputnik. Վերջին օրերին ինչպես Հայաստանում, այնպես էլ աշխարհի տարբեր անկյուններում, գրանցվել է բարձր ջերմային ֆոն կամ ինչպես ընդունված է ասել՝ անոմալ շոգ։ Ջերմաստիճանն այս օրերին որոշ վայրերում հասել է մինչև +48 աստիճանի։ Իսկ Հայաստանում վերջին երկու օրը ջերմաստիճանը բարձրացել է մինչև +40, +42 աստիճան։
Աշխարհի տարբեր անկյուններում լուսանկարինչները արձանագրել են, թե ինչպես են մարդիկ ու կենդանիները պաշտպանվում շոգից։
Օրինակ՝ կուբացիները շոգից փրկվում են Հավանայի ափերի մոտ գտնվող բնական ավազանում։
ԱՄՆ-ի Հավայի նահանգի Մաուի շրջանում շոգի պատճառով խոշոր հրդեհ է բռնկվել։ Իսկ շոգին չդիմացող կենդանիները փորձում են զովանալ լողավազաններում։
Հիշեցնենք՝ Հիդրոօդերևութաբանության և մոնիտորինգի կենտրոնի տվյալներով՝ շոգ ու առանց տեղումների եղանակը Հայաստանում կպահպանվի առաջիկա օրերին` օգոստոսի 11-15-ը։