ԵՐԵՎԱՆ, 9 օգոստոսի – Sputnik. RT հեռուստաալիքը սկսում է «Khaled Alkhateb International Memorial Awards»–ի (ամենամյա միջազգային մրցանակ, որը շնորհվում է լրագրողներին հակամարտության գոտուց արված լավագույն աշխատանքների համար) մասնակցության հայտերի ընդունումը։
Ինչպես տեղեկանում ենք RT–ի կայքից, «Khaled Alkhateb»–ի անվան միջազգային մրցանակը շնորհվում է հետևյալ անվանակարգերում.
«Լավագույն աշխատանք հակամարտության գոտուց» –զինված հակամարտությունների և դրանց հետևանքների մասին նյութեր։
«Լավագույն աշխատանք. մարդասիրական առաքելություն» – հակամարտության գոտում գտնվող մարդկանց պատմություններ, քաղաքացիական բնակչությանն ու փախստականներին օգնելու մասին պատմություններ։ Քաղաքների վերականգնման և խաղաղ կյանքին վերադառնալու մասին պատմող աշխատանքներ։
«Khaled Alkhateb International Memorial Awards 2023» մրցանակի հաղթողները 200 հազար ռուբլու չափով դրամական մրցանակ կստանան։
Հայտը կարելի է լրացնել https://award.rt.com/ru/ կայքում։ Աշխատանքներն ընդունվում են գրավոր և տեսանյութերի ձևաչափերով։
Առաջին տարում մրցանակների են արժանացել Իրաքի, Իռլանդիայի և Սինգապուրի մասնակիցները։ 2019 թվականին դափնեկիր դարձան Ռուսաստանի, ԱՄՆ–ի, Իտալիայի և Հնդկաստանի ներկայացուցիչները։ 2020 թվականին մրցանակներ ստացան Ռուսաստանի, Սիրիայի և Հնդկաստանի ռազմական թղթակիցները։ 2021 թվականին RT–ի մրցանակի հաղթող ճանաչվեցին Ռուսաստանի, ԱՄՆ–ի և Եմենի ռազմական թղթակիցները։ Նախորդ տարի աշխատանքներ էին ընդունվում Ուկրաինայում ընթացող ռազմական հատուկ գործողությունների վերաբերյալ, որոնց հաղթող դարձան «Իզվեստիայի» և «Կոմսոմոլսկայա պրավդայի», «ТОК» ստուդիայի և ՌԻԱ Նովոստիի ռազմական թղթակիցները։
RT հեռուստաալիքը «Khaled Alkhateb International Memorial Awards» մրցանակը հիմնել է ի հիշատակ 25-ամյա լրագրող Khaled Alkhateb–ի, որը համագործակցում էր RT Arabic–ի հետ։ Նա զոհվեց 2017 թվականին սիրիական Հոմս նահանգում զինյալների կողմից իրականացրած հրթիռային հարվածի հետևանքով։ Իր ռեպորտաժներում Խալեդը լուսաբանում էր ահաբեկիչների հետ Սիրիայի կառավարական ուժերի մարտերը։ 2018 թվականին ՌԴ նախագահ Վլադիմիր Պուտինը հրաման ստորագրեց Խալեդին հետմահու «Արիության համար» մեդալով պարգևատրելու մասին, այն փոխանցվեց նրա ընտանիքին «Khaled Alkhateb International Memorial Awards»–ի առաջին մրցանակաբաշխության ժամանակ։