ԵՐԵՎԱՆ, 8 օգոստոսի– Sputnik. Վթար է տեղի ունեցել Իջևան–Նոյոմբերյան ճանապարհին. Կան տուժածներ։ Տեղեկությունը հայտնում է ՀՀ ՆԳՆ Փրկարար ծառայությունը։
Նշվում է, որ օգոստոսի 7-ին` ժամը 23։40-ին, Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Նոյեմբերյան-Ոսկեպար ավտոճանապարհին՝ Կիրանց գյուղի մոտակայքում, տեղի է ունեցել ՃՏՊ հրդեհի բռնկմամբ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ Իջևան-Նոյեմբերյան ավտոճանապարհի 30-րդ կմ-ին «Nissan X-Trail» մակնիշի ավտոմեքենան (վարորդ՝ Հ․ Բ․, ծնված 1951 թ․) դուրս է եկել ճանապարհի երթևեկելի հատվածից (մոտ 20 մ), բախվել հողաթմբին և կողաշրջվել»,–ասվում է հաղորդագրության մեջ:
Փրկարարները փակել են ավտոմեքենայի գազի բալոնի փականը, շտապօգնության ավտոմեքենային մոտեցրել վարորդին և ուղևոր Մ․Մ․-ին (ծնված 1957 թ.), տուժածները հոսպիտալացվել են Իջևանի ԲԿ։