Երևանի հյուրանոցային համալիրներից մեկում տղամարդու դի է հայտնաբերվել

ԵՐԵՎԱՆ, 7 օգոստոսի – Sputnik. Երևանի Բագրատունյաց պողոտայում գործող «Սատուրն Գարդեն» հյուրանոցային համալիրում տղամարդու դի է հայտնաբերվել։ Տեղեկությունը հայտնում է shamshyan.com–ը։

Ըստ կայքի` դեպքը տեղի է ունեցել երեկ` օգոստոսի 6-ին։

Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել:

Դեպքի փաստով Շենգավիթի քննչական բաժնում նախաձեռնվել է քրեական վարույթ: Քննիչի որոշմամբ նշանակվել է դիակի դատաբժշկական փորձաքննություն: