ՀՀ ԱԳՆ–ն ցավակցությունն է հայտնել Սլովենիային

ԵՐԵՎԱՆ, 6 օգոստոսի – Sputnik. ՀՀ ԱԳՆ–ն ցավակցությունն է հայտնել Սլովենիայում հորդառատ անձրևների հետևանքով առաջացած հեղեղումների ու սողանքների պատճառով զոհվածների ընտանիքներին: Այս մասին ԱԳՆ մամուլի ծառայությունը գրառում է արել «Twitter»–ի էջում։

«Մենք կարակցում ենք Սլովենիային, երկիրը բախվել է նորագույն պատմության ամենամեծ բնական աղետին»,– գրել է ՀՀ ԱԳՆ–ն։

Հիշեցնենք, որ օգոստոսի 3-ին և 4-ին տեղացած հորդառատ անձրևների պատճառով Սլովենիայում հայտարարվել էր վտանգի կարմիր մակարդակ։ Հայտնի է առնվազն երեք զոհի մասին։

Հյուսիսում գտնվող բնակավայրերից մեկը ամբողջությամբ առանձնացել է երկրի մնացած մասերից։ Առաջին անհրաժեշտության ապրանքներնայնտեղ առաքվում են օդային տրանսպորտով:

Ջրի տակ են անցել բազմաթիվ ճանապարհներ և կամուրջներ, վնասվել են շենքեր։ Հազարավոր բնակիչներ տարհանվել են իրենց տներից։ Նախնական հաշվարկներով Սլովենիայում ջրհեղեղի վնասը կգերազանցի կես միլիարդ եվրոն։