ԵՐԵՎԱՆ, 5 օգոստոսի – Sputnik. ՀՀ էկոնոմիկայի նախարար Վահան Քերոբյանի դուստրը` Նարե Քերոբյանը, մասնակցել է «Մանկական Եվրատեսիլ» միջազգային մրցույթի նախընտրական փուլին։ Այս մասին սոցցանցերում հայտնել է Վահան Քերոբյանի կինը` Մարիամ Հարությունյանը։ Նա նաև փոքրիկ տեսանյութ է հրապարակել, որում դուստրը կատարում է Alicia Keys–ի «Fallin» երգը։
Հետևորդներին դուր է եկել Նարեի կատարումը։ Նրանք երեխային աջակցել են ու հաջողություններ մաղթել։
Ըստ տեղեկությունների Վահան Քերոբյանն անձամբ է իր դստերը տարել, որ մասնակցի այդ մրցույթի նախընտրական փուլին: Սակայն աղջնակին չի հաջողվել հաջորդ փուլ անցնել։
Նշենք, որ Քերոբյանի դուստրը «Մանկական Եվրատեսիլի» նախընտրական փուլին մասնակցել էր նաև նախորդ տարի։
Հիշեցնենք, որ նախորդ տարի «Մանկական Եվրատեսիլը» անցկացվում էր Երևանում։
Եզրափակիչ մրցույթում հաղթեց Ֆրանսիան ներկայացանող Լիսանդրոն։ Հայաստանի ներկայացուցիչ Նարեն իր «DANCE» երգով հավաքեց 180 միավոր և գրավեց 2-րդ տեղը։
Երրորդ հորիզոնականը 161 միավորով զբաղեցրեց Վրաստանի ներկայացուցիչ Մարիամ Բիգվավան «I Believe» երգով։