ԵՐԵՎԱՆ, 4 օգոստոսի - Sputnik. Ֆուտբոլի Կոնֆերենցիաների լիգայի որակավորման երկրորդ փուլի պատասխան խաղում Երևանի «Ալաշկերտը» Հունգարիայում մրցում էր «Դեբրեցենի» հետ։ Հիմնական ժամանակում 2:1 հաշվով առավելության հասավ «Ալաշկերտը»։
18-րդ րոպեին խաղի հաշիվը բացեց «Ալաշկերտի» պաշտպան Վիտալի Ուստինովը, 67-րդ րոպեին հյուրերի առավելությունը կրկնապատկեց նիգերիացի կիսապաշտպան Սոդիկ Ֆատաին։
ՈւԵՖԱ-ի Կոնֆերենցիաների լիգայի «Դեբրեցեն» - «Ալաշկերտ» հանդիպումը
© Photo : press office of the FC Alashkert
77-րդ րոպեին «Դեբրեցենի» գոլի շնորհիվ պայքարը տեղափոխվեց լրացուցիչ ժամանակ, քանի որ առաջին խաղում 1:0 հաշվով հաղթել էր «Դեբրեցենը»։ Լրացուցիչ ժամանակում նոր գոլ չգրանցվեց։
11 մետրանոցներով 3։1 հաշվով հաղթեցին տանտերերը։