Իտալիայում պեղումների ժամանակ հայտնաբերվել է Հռոմի կայսր Ներոնի թատրոնը

CNN–ի փոխանցմամբ` փորձագետները դա բացառիկ գտածո են անվանում։

Արդեն երկու տարի է` հնագետները պեղումներ են իրականացնում Հռոմում Պալացցո դելլա Ռովերեի մերձակայքում, և վերջապես հայտնաբերել են թատրոնը, որը հիշատակվել է մի քանի հին տեքստերում։ Գիտնականները կարծում են, որ այդ շինությունն է Հռոմի 5–րդ կայսր Ներոնի թատրոնը,Ներոնի, որի անունը չարի, այլասերվածության և դաժանության խորհրդանիշ է դարձել։

1 / 8

Հռոմում հնագետները հայտնաբերել են (ենթադրաբար) մ.թ. I դարում Ներոն կայսեր կողմից կառուցված թատրոնի մնացորդները

2 / 8

Ներոնի թատրոնի գոյության մասին տեղեկություններ են պահպանվել ավագ Պլինիոսի, Սվետոնիուսի և Տակիտոսի հին տեքստերում

3 / 8

Այդ տեքստերից են գիտնականները ստացել հիմնական տեղեկությունը և պարզել, թե որտեղ կարող է գտնվել «արվեստի տաճարը», որը նկարագրվում էր որպես «շքեղության գագաթնակետ»

4 / 8

Հռոմի սուպերինտենդանտ Դանիելա Պորրոն ասել է, որ գտածոն բացառիկ կարևորություն ունի

5 / 8

Ներքին բակում պեղումները սկսվել են 2020 թվականին վերականգնման աշխատանքների ժամանակ և բազմաթիվ անակնկալներ են մատուցել

6 / 8

Բացի այն, որ հնագետներին հաջողվել է ավերակներից վերականգնել թատրոնի տեսքը, հողի շերտերում բազմաթիվ վկայություններ են պահպանվել այդ վայրի հետագա պատմության վերաբերյալ։

7 / 8

Հնագետները հայտնաբերել են լավ պահպանված ապակե սափորներ և գավաթներ, կերամիկական ծաղկամաններ, ինչպես նաև կրոնական պաշտամունքի առարկաներ

8 / 8

Գտածոների մանրակրկիտ ուսումնասիրությունից և կատալոգում դրանք զետեղելուց հետո թատրոնի մնացորդները կրկին կթաղվեն. ստոգետնյա ջրերին մոտ լինելը այս պահին հուշարձանը պահպանելու միակ միջոցն է։