ԵՐԵՎԱՆ, 31 հուլիսի – Sputnik. ՅՈւՆԵՍԿՕ-ն կոչ է արել Վենետիկը ներառել մշակութային ժառանգության ցանկում զանգվածային զբոսաշրջության ֆոնին քաղաքային օբյեկտների ոչնչացման դեմ պայքարի անբավարար միջոցների պատճառով: Տեղեկությունը հայտնում է ՌԻԱ Նովոստին։
«Կառուցապատման շարունակությունը, կլիմայական փոփոխությունները և զանգվածային զբոսաշրջությունը սպառնում են քաղաքին և համաշխարհային բացառիկ արժեք ներկայացնող քաղաքի անդառնալի փոփոխությունների պատճառ են հանդիսանում», - ասված է կազմակերպության հաղորդագրությունում։
ՅՈւՆԵՍԿՕ-ի հանձնարարականը պետք է հաստատվի սեպտեմբերին Էր Ռիադում համաշխարհային ժառանգության կոմիտեի նիստում:
Այս պահի դրությամբ աշխարհում 55 օբյեկտ է վտանգի տակ գտնվող մշակութային ժառանգության ցանկում։
ՅՈւՆԵՍԿՕ-ի` համաշխարհային մշակութային և բնական ժառանգության պահպանության մասին կոնվենցիան ուժի մեջ է մտել 1975 թվականին: Այս փաստաթղթի հիման վրա սկսվել է մշակութային և բնական ժառանգության օբյեկտների պահպանման և հանրահռչակման միջազգային պրակտիկան։