ԵՐԵՎԱՆ, 28 հուլիսի – Sputnik. ՀՀ պաշտպանության նախարարության հաշվեկշռում գտնվող ՈւԱԶ մակնիշի ավտոմեքենաներից մեկը կողաշրջվել է Առինջ գյուղից դեպի Սևան ավտոճանապարհին։ Տեղեկությունը հայտնում է shamshyan.com–ը։
Դեպքը տեղի է ունեցել ժամը 07:30-ի սահմաններում։
Ավտոմեքենան դուրս է եկել երթևեկելի գոտուց, բախվել հողաթմբին և կողաշրջվել:
Վթարից հետո 2 հոգու տեղափոխել են «Մուրացան» զինվորական հոսպիտալ:
Զինվորական քննչական գլխավոր վարչության կայազորի քննչական բաժնում նախաձեռնվել է վարույթ, պարզվում է վարորդի և տուժածների ինքնությունը: