ԵՐԵՎԱՆ, 27 հուլիսի – Sputnik. Ռուսաստանը հանդես է գալիս ԵԱՏՄ-ի և Աֆրիկյան միության միջև համագործակցության հաստատման օգտին։ Այս մասին հայտարարել է ՌԴ նախագահ Վլադիմիր Պուտինը:
«Ռուսաստանը շահագրգռված է մայրցամաքում գործող բոլոր տարածաշրջանային տնտեսական ինտեգրացիոն միավորումների և կառույցների հետ բազմակողմանի կապերի ամրապնդմամբ։ Օրինակ, մենք հանդես ենք գալիս այն բանի օգտին, որ ստեղծենք համագործակցություն Եվրասիական տնտեսական միության հետ՝ որպես խոշորագույն ինտեգրացիոն նախագծի, որին մասնակցում են և՛ Ռուսաստանը, և՛ Աֆրիկյան ազատ առևտրի մայրցամաքային գոտին, որը ձևավորվում է Աֆրիկյան միության շրջանակում», - ասել է Պուտինը երկրորդ գագաթնաժողովի և «Ռուսաստան-Աֆրիկա» տնտեսական և հումանիտար ֆորումի լիագումար նստաշրջանում:
«Ռուսաստան-Աֆրիկա» երկրորդ գագաթաժողովն ու տնտեսական և հումանիտար ֆորումն անցկացվում է հուլիսի 27-28-ը Սանկտ Պետերբուրգում:
«Ռուսաստան-Աֆրիկա» առաջին գագաթնաժողովը տեղի է ունեցել Սոչիում 2019 թվականին, զուգահեռաբար կայացել է տնտեսական ֆորումը։ Համաժողովին մասնակցել են աֆրիկյան պետությունների ղեկավարներ, ռուսական, աֆրիկյան և միջազգային բիզնեսի և պետական կառույցների ներկայացուցիչներ, ինչպես նաև աֆրիկյան մայրցամաքի ինտեգրացիոն միավորումների ներկայացուցիչներ: