ԵՐԵՎԱՆ, 23 հուլիսի – Sputnik. Հուլիսի 23-ին, ժամը 10:00-ից 12:50 ընկած ժամանակահատվածում ադրբեջանական զինուժը, ընդհատումներով կրակ է բացել Սարուշեն գյուղի տարածքում աշխատող կոմբայնի ուղղությամբ:
Ինչպես հայտնում է Արցախի ՊԲ մամուլի ծառայությունը, հակառակորդը կիրառել է հրաձգային զենք ու 60 մմ ականանետ։
Հայկական կողմից կորուստներ չկան։
Խախտումների վերաբերյալ տեղեկացվել է ռուսական խաղաղապահ զորակազմի հրամանատարությանը։
Հավելենք, որ հուլիսի 21–ին ՌԴ ՊՆ–ն Լեռնային Ղարաբաղի Մարտակերտի շրջանում արձանագրել էր հրադադարի ռեժիմի մեկ խախտում։