Ջրափրկարարները քաղաքացիներին մոտեցրել են ափին

ԵՐԵՎԱՆ, 16 հուլիսի - Sputnik. Հուլիսի 16-ին, ժամը 17:56-ին Գեղարքունիքի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ ջրափրկարարները Սևանա լճի 1-ին հանրային լողափում հերթապահություն իրականացնելու ժամանակ ափից մոտ 700 մետր հեռավորության վրա նկատել են շրջված ջրային մոտոցիկլետ և ջրում գտնվող երկու քաղաքացու։

Տեղեկությունը հայտնում են ՆԳՆ փրկարար ծառայությունից։

Ջրափրկարարները մոտորանավակով ափին են մոտեցրել ջրային մոտոցիկլետը և քաղաքացիներին։