ԵՐԵՎԱՆ, 12 հուլիսի – Sputnik. Թուրքիայում հորդառատ անձրևների պատճառով փլուզվել է Օրդու-Սիվաս մայրուղու մի մասը, որը կապում է Սև և Միջերկրական ծովերը։ Միջադեպի տեսանյութը հրապարակել է Büyük Sivas-ը։
Տեսանյութում երևում է, թե ինչպես է մայրուղու փլուզված տեղում խորը փոս գոյացել, որի մեջ ընկել է ասֆալտե ծածկը։
Միջադեպի հետևանքով զոհեր և վիրավորներ չկան։
Հուլիսի 8-Ից սկսած Թուրքիայում հորդառատ անձրևները չեն դադարում։ Սելավների հետևանքով վնասվել է 32 բնակելի տուն և 35 տրանսպորտային միջոց։ Այս պահին շրջանային իշխանությունները գնահատում են վնասը և վերականգնում են ենթակառուցվածքները։