Աննա Վարդապետյանը ԵԽ պաշտոնյայի հետ քննարկել է համագործակցության հեռանկարները

ԵՐԵՎԱՆ, 12 հուլիսի – Sputnik. ՀՀ գլխավոր դատախազ Աննա Վարդապետյանն ու Եվրոպայի խորհրդի Մարդու իրավունքների և իրավունքի գերակայության գլխավոր տնօրինության գլխավոր տնօրեն Քրիստոս Ջիակումոպուլոսը քննարկել են առաջիկայում՝ 2023 թվականի ավարտին կամ 2024 թվականի գարնանը ապօրինի ծագում ունեցող գույքի բռնագանձման թեմայով խորհրդաժողով անցկացնելու հնարավորությունը։ Տեղեկությունը հայտնում է ՀՀ դատախազության մամուլի ծառայությունը։

Նշենք, որ նրանք հանդիպել են առցանց ձևաչափով։

Հանդիպման ընթացքում հանրապետության գլխավոր դատախազը բարձր է գնահատել օրեր առաջ Եվրոպայի խորհրդի բարձրաստիճան պատվիրակության այցը արգելափակված Լաչինի միջանցքի մեկնարկային կետ, որին ներկա է եղել նաև Քրիստոս Ջիակումոպուլոսը: