ԵՐԵՎԱՆ, 12 հուլիսի – Sputnik. Հատուկ ռազմական գործողությունների գոտում երեխաների հետ կապված իրավիճակի վերաբերյալ Վաշինգտոնի ցուցադրական մտահոգությունը կապված է այն բանի հետ, որ ԱՄՆ–ն Ուկրաինային վերաբերվում է որպես երեխաների միջազգային որդեգրման աղբյուր։ Այս մասին հայտարարել է ՌԴ ԱԳՆ–ն։
«Հատուկ ռազմական գործողությունների գոտում երեխաների հետ կապված իրավիճակի վերաբերյալ Վաշինգտոնի ցուցադրական մտահոգությունը կապված է այն բանի հետ, որ ԱՄՆ–ի իշխանությունները Ուկրաինան դիտարկում էին որպես երեխաների միջազգային որդեգրման հիմնական աղբյուրից մեկը», – ասվում է ՌԴ ԱԳՆ–ի կայքում հրապարակված հաղորդագրության մեջ։
ՌԴ դիվանագիտական ներկայացուցչությունում հավելել են, որ որպես «երեխաների իրավունքների գլխավոր պաշտպան» իրեն ներկայացնելու ԱՄՆ–ի փորձերը ո'չ օրենքով են հաստատված, ո'չ էլ գործնականում են ապացուցված։
ՌԴ ԱԳՆ–ում հիշեցրել են, որ ԱՄՆ–ում որդեգրման գործընթացը թափանցիկ չէ, կոռումպացված է և «ենթարկվում է քաղաքական նեոգաղութային կոնյունկտուրային»։
«Ցավալի է, որ ԱՄՆ քաղաքացիների կողմից ռուսաստանցի երեխաներին որդեգրելու գործընթացում ՌԴ անչափահաս քաղաքացիների իրավունքների կոպիտ խախտումների բազմաթիվ դեպքեր են եղել», – նշել են Ռուսաստանի ԱԳՆ–ում։
ՌԴ ԱԳՆ–ում պարզաբանել են նաև, որ այդ պրակտիկան արգելվել է 2013 թվականից։ ՌԴ դիվանագիտական ներկայացուցչությունը նշել է, որ ԱՄՆ–ում միջազգային որդեգրման գործընթացում երեխաների իրավունքների ոտնահարման խնդիրը ներկայացված է համապատասխան զեկույցում։