ԵՐԵՎԱՆ, 11 հուլիսի – Sputnik. ՀՀ պաշտպանության նախարար Սուրեն Պապիկյանն անցկացրել է աշխատանքային խորհրդակցություն, որի ընթացքում նա ցուցումներ և հանձնարարականներ է տվել ստորաբաժանումների ղեկավարներին: Տեղեկությունը հայտնում է ՀՀ պաշտպանության նախարարության մամուլի ծառայությունը։
Խորհրդակցությանը մասնակցել են ՀՀ ՊՆ, ԶՈւ և ԶՈւ ԳՇ ղեկավար, ինչպես նաև բանակային զորամիավորումների հրամանատարական կազմերը:
«Մինչ հարցերի քննարկմանն անցնելը, Սուրեն Պապիկյանը շնորհավորել է վերջերս զինվորական բարձրագույն կոչումների արժանացած բարձրաստիճան զինվորականներին, մաղթել քաջառողջություն, ծառայողական հաջողություններ՝ կարևորագույն առաքելություն իրականացնելու գործում»,– նշված է հաղորդագրության մեջ։
Խորհրդակցության ընթացքում քննարկվել են նաև զինված ուժերում իրականացվող աշխատանքների հետ կապված մի շարք հարցեր: