.jpg){kind=link}
ԵՐԵՎԱՆ, 11 հուլիսի – Sputnik. Ֆրանսիան Ուկրաինային ընդհանուր 50 հատ «Scalp» հեռահար հրթիռ կմատակարարի։ Այս մասին գրում է «Reuters» գործակալությունը` հղում անելով ֆրանսիական դիվանագիտական աղբյուրին։
«Ֆրանսիայի դիվանագիտական աղբյուրը հայտարարել է, որ խոսքը 50 հատ «MBDA» եվրոպական ընկերության արտադրած «Scalp» հրթիռների մասին է», – փոխանցում է գործակալությունը։
Ֆրանսիայի նախագահ Էմանուել Մակրոնն այսօր Վիլնյուսում ՆԱՏՕ–ի գագաթնաժողովի ժամանակ հայտարարեց, որ Ուկրաինայի ԶՈւ–ի հարձակմանն «աջակցելու» համար Փարիզը որոշել է Ուկրաինային հեռահար հրթիռներ փոխանցել։
Հիշեցնենք` նախորդ տարի Մոսկվան ՆԱՏՕ–ի երկրներին նոտա հղեց Կիևի իշխանությունների զենք մատակարարելու պատճառով։ ՌԴ արտգործնախարար Սերգեյ Լավրովը հայտարարեց, որ Ուկրաինայի համար ռազմական տեխնիկայով բեռնված ցանկացած տեղափոխման միջոց օրինական թիրախ կհանդիսանա ՌԴ բանակի համար։ Ըստ նրա` ԱՄՆ–ն և դաշինքը անմիջականորեն մասնակցում են հակամարտությանը ոչ միայն զենք փոխանցելով, այլև Մեծ Բրիտանիայի, Գերմանիայի, Իտալիայի և այլ երկրների տարածքներում կադրեր պատրաստելով։