ԵՐԵՎԱՆ, 7 հուլիսի – Sputnik. Վայոց Ձորի Ազատեկ գյուղի «Վարատեղ» կոչվող հանդամասում տրակտոր է գլորվել ձորը։ Տեղեկությունը հայտնում է ՀՀ ՆԳՆ փրկարար ծառայությունը։
Ըստ հաղորդագրության` «UMZ» մակնիշի տրակտորը մոտ 150 մ բարձրությունից է գլորվել ձորը։
Փրկարարները 35–ամյա վարորդ Ա․ Հ–ին և ուղևոր Տ․ Գ․-ին քաղաքացիների օգնությամբ պատգարակով դուրս են բերել ձորից և մոտեցրել շտապօգնության ավտոմեքենային։
Տուժածները հոսպիտալացվել են Վայքի ԲԿ։