ԵՐԵՎԱՆ, 7 հուլիսի – Sputnik. «Wildberries»–ի ծառայություններից Հայաստանում օգտվում է արդեն յուրաքանչյուր 6-7-րդ բնակիչը։ Հայ գործարարների հետ հանդիպմանը այս հայտարարությունն արեց ընկերության հիմնադիր Տատյանա Բակալչուկը։
Հայաստանում ռուսական առցանց խանութի միջոցով վաճառքները նախորդ տարվա համեմատ քառակի աճել են։
«Մենք տեսանք, որ այսօր ՀՀ գրեթե յուրաքանչյուր 6-7-րդ բնակիչն օգտվում է մեր ռեսուրսից։ Դա չի կարող չուրախացնել», – հավելեց նա։
Պատվերներն այնքան շատ են, որ ընկերության հզորությունները բավարար չեն դրանք արագ մշակելու համար։ Այդ պատճառով Հայաստանում (ինչպես նաև ընկերության համար կարևոր այլ շուկաներում) ընդլայնվում են տեղական թիմերը, և ապրանքների հանձնման նոր կետեր են բացվում։