Հայ պատանի շախմատիստները Բաթումում շարունակում են պահպանել առաջատարների դիրքերը

ԵՐԵՎԱՆ, 7 հուլիսի – Sputnik. Հայ պատանի շախմատիստներն առաջին հորիզոնականներում են Բաթումի միջազգային մրցաշարում: Տեղեկությունը հայտնում է Հայաստանի շախմատի ֆեդերացիան:

«Batumi Municipality Cmp-2023» մրցաշարի ավարտից երեք տուր առաջ ՖԻԴԵ-ի վարպետ Էրիկ Հակոբյանը միանձնյա առաջատարն է։ Նա ունի 5.5 միավոր` հնարավոր 6-ից։

Երկրորդ և երրորդ տեղերը զբաղեցնում են ՖԻԴԵ-ի վարպետներ Բենիկ Աղասարովն ու Արսեն Դավթյանը, նրանք առաջատարից հետ են մնում 1 միավորով:

Նշենք, որ Բաթումի միջազգային մրցաշարը մեկնարկել է հուլիսի 2-ին և կավարտվի հուլիսի 10-ին: