ԵՐԵՎԱՆ, 7 հուլիսի – Sputnik. Անհայտ անձինք երեկ վնասել են Օղակաձև զբոսայգու 6-րդ հատվածում գտնվող «Սքեյթ պարկի» արձանը: Տեղեկությունը Sputnik Արմենիային հայտնեցին Երևանի քաղաքապետարանից։
Դեպքի փաստով ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում վարույթ է նախաձեռնվել գույքը ոչնչացնելու կամ վնասելու հոդվածով։
Նշենք, որ «Սքեյթ պարկը» տեղակայված է Սուրբ Գրիգոր Լուսավորիչ եկեղեցու և Տարաս Շևչենկոյի հուշարձանի հարևանությամբ։ Բացումը տեղի է ունեցել 2021 թվականի նոյեմբերի 15-ին։