ԵՐԵՎԱՆ, 5 հուլիսի – Sputnik. ՌԴ ԶՈւ FPV անօդաչուի օպերատորը Դնեպրի վրա` Անտոնովի կամրջի շրջանում, ընթացքի ժամանակ խորտակել է ուկրաինական ռազմանավը։ Այս մասին տեղեկանում ենք ՌԴ ՊՆ–ի հրապարակած տեսանյութից։
Ռուսական հետախուզական անօդաչուն Անտոնովի կամրջի շրջանում Ուկրաինայի ԶՈւ զինծառայողների խումբ է հայտնաբերել, որից հետո FPV անօդաչուներ են ուղարկվել դեպի հակառակորդի հետևակի խմբին, որը թաքնվել է կամրջամասի տակ, այնուհետև նստել արագընթաց նավերը։
Նավերից մեկին է հասել երկրորդ FPV անօդաչուն և խոցել նավախելի մի հատվածը։ Հարվածից հետո նավը շրջվել և խորտակվել է, ինչը հաստատվում է հետախուզական դրոնով արված կադրերով։
Ինչպես նշել են ռուսական ռազմական գերատեսչությունում, տեսանյութում երևում է FPV անօդաչուների օպերատորների կողմից Անտոնովի կամրջի մոտ Ուկրաինայի ԶՈւ զինյալների խմբին և դիվերսանտներով արագընթաց նավին ոչնչացնելու պահը։
Իրավիճակը Խերսոնի մարզում՝ Դնեպր գետի վրայով անցնող Անտոնովի կամրջի մոտ սրվել է վերջին շաբաթներին այն բանից հետո, երբ ռուսական ուժերը ստիպված են եղել ժամանակավորապես հեռացնել իրենց դիտակետերը և ջոկատները Կախովկայի ՀԷԿ–ի փլուզման պատճառով։ Ուկրաինայի ԶՈւ–ն Դնեպրի ձախ ափին, կամրջի մոտ գտնվող կղզիներում ամրանալու մի քանի փորձ են արել։
Հուլիսի 2-ին ՌԴ ՊՆ–ն հայտնել էր, որ ռուսական զորքերը ոչնչացրել են Անտոնովի կամրջի մոտ վայրէջ կատարած ուկրաինական զինվորականներին։ Մասնավորապես, կրակային խոցմամբ մեկ օրում ոչնչացվել է մինչև 20 ուկրաինացի զինծառայող, 2 ավտոմեքենա և ԱՄՆ արտադրության М777 տեսակի 2 հաուբից։
Հաջորդ օրը Խերսոնի մարզպետի ժամանակավոր պաշտոնակատար Վլադիմիր Սալդոն հայտնել էր, որ ուկրաինական ուժերը Անտոնովի կամրջի մոտ ավելի քան 30 զինծառայող են կորցրել։ Նա նշել էր, որ Կիևը, զորքին այնտեղ ուղարկելով, հասկանում է, որ այն ոչնչացվելու է, այնուամենայնիվ շարունակում է դա անել։