ԵՐԵՎԱՆ, 5 հուլիսի – Sputnik. Լոռու մարզի Ալավերդի քաղաքից Սանահին-Սարահարթ թաղամաս տանող ավտոճանապարհը մինչև ժամը 19։00–ն փակ կլինի։ Տեղեկությունը հայտնում է ՆԳՆ փրկարար ծառայությունը։
«Ավտոճանապարհի 4-րդ կմ-ին (մոտ 300 մ հատվածում) հիմնանորոգման աշխատանքների ընթացքում իրականացվելու են ժայռաքանդման աշխատանքներ։ Ճանապարհը մինչև 19։00-ն երկկողմանի փակ կլինի»,– ասված է հաղորդագրությունում։
ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ նշված ավտոճանապարհին իրականացնում է հերթապահություն: