Բաթում–Երևան գնացքը սողանքի պատճառով չի կարողանում հասնել Հայաստան

ԵՐԵՎԱՆ, 1 հուլիսի – Sputnik. Վեց գնացք, այդ թվում՝ Բաթում–Երևան ուղերթ իրականացնող գնացքը, սողանքի պատճառով չեն կարողանում հասնել մեկնման կետ։ Տեղեկությունը հայտնում է Sputnik Գրուզիան` հղում անելով «Վրացական երկաթուղիներ» ընկերությանը։

Սողանքը տեղի է ունեցել Խարագաուլի շրջանի Մարելիսի կայարանում, Պատճառը հորդառատ անձրևներն են։ Արդյունքում վնասվել են կոնտակտային ցանցն ու ռելսերը:

«Հայտնի չէ, թե երթևեկությունը երբ կվերականգնվի։ Եթե անգամ վերականգնվի, անվտանգության նկատառումներից ելնելով` այս պահին ուղևորների տեղաշարժը նպատակահարմար չէ», – ասված է հաղորդագրության մեջ:

Կայքը հրապարակել է նաև չեղարկված ուղերթերի ցանկը.

Բոլոր գնացքները կմեկնեն մոտակա կայարան, որպեսզի ուղևորներն այնտեղից կարողանան շարունակել իրենց ճանապարհը։ Ընկերությունը խոստանում է վերադարձնել բոլոր ուղեվարձերը: