ԵՐԵՎԱՆ, 29 հունիսի - Sputnik. Հայաստանում արտադրվող արևային էլեկտրաէներգիայի հզորությունը գերազանցում է ՀԱԷԿ–ի արտադրած էլեկտրաէներգիայի ծավալը։ Այս մասին այսօր ՀՀ կառավարության նիստում հայտնեց ՏԿԵ նախարար Գնել Սանոսյանը։
«Այսօր Հայաստանը աշխարհում առաջատար երկրներից է արևային համակարգերի տեղադրման ցուցանիշներով։ Արևային էներգետիկան մեր երկրում բավական արագ է զարգանում, և մենք արդեն մեր ատոմակայանի հզորությունից ավել տեղադրված արևային պանելներ ունենք»,– ասաց Սանոսյանը։
Նախարարի խոսքով, նման զարգացմանը նպաստել են կառավարության կողմից իրականացվող վերականգնվող էներգետիկային ու էներգաարդյունավետությանը նպաստող ծրագրերը։
Այս համատեքստում կառավարության նիստում որոշում ընդունվեց մինչև 2024թ. հուլիսի 1-ը երկարացնել «Բնակարանների և անհատական բնակելի տների էներգաարդյունավետ վերանորոգման աշխատանքների պետական աջակցության ծրագրի» գործողության ժամկետը։