Հունիսի 24-ին և 25-ին կայացած փառատոնի աշխարհագրությունը բավականին ծավալուն էր. միջոցառումներն անցկացվում էին ինչպես «ՏաԹևերի» հարթակում, այնպես էլ 9-րդ դարի Տաթևի վանքի տարածքում, ուր հյուրերն ուղևորվում էին աշխարհի ամենաերկար երկկողմանի ճոպանուղով:
Փառատոնի հյուրերը կարող էին վայելել Միքայել Ոսկանյանի և նրա «Թառափ» տրիոյի նորարարական ստեղծագործությունները, պարել դիջեի ժամանակակից բիթերի տակ կամ հայկական ֆոլկ-խմբերի հետ, մասնակցել իմերսիվ ներկայացումների, ինչպես նաև տարբեր վարպետության դասընթացների:
Բացի այդ, փառատոնի երկրորդ օրը դեպի Խնձորեսկ էքսկուրսիա կազմակերպվեց, որի ընթացքում զբոսաշրջիկները, անցնելով կիրճի վրայի հայտնի ճոճվող կամրջով, հայտնվեցին քարանձավային քաղաքում, որտեղ դեռևս 60-70 տարի առաջ մարդիկ են ապրել:
Միջոցառման մասին առավել մանրամասն կարող եք կարդալ Sputnik Արմենիայի հոդվածում։