ԵՐԵՎԱՆ, 28 հունիսի – Sputnik. Հունահռոմեական ոճի ըմբիշ Սուրեն Աղաջանյանը (60 կգ) արծաթե մեդալ նվաճեց Իսպանիայում ընթացող Եվրոպայի երիտասարդական առաջնությունում:
Եզրափակիչ գոտեմարտում մեր մարզիկը 1:6 հաշվով պարտվեց վրացի Անրի Խոզրևանիձեին:
Հայաստանի ևս մեկ ներկայացուցի ՝ 67 կգ քաշային Գասպար Տերտերյանը, 5։4 հաշվով հաղթելով Ֆրանսիան ներկայացնող Մագոմեդ Գատագաժևին, դարձավ բրոնզե մեդալակիր։
Ավելի վաղ Յուրիկ Հովեյանը (մինչև 63 կգ քաշային կարգ) նվաճել էր ոսկի, Հոմերոս Առաքելյանը (55 կգ)՝ բրոնզ, իսկ Վիգեն Նազարյանը՝ հունահռոմեական ոճի ըմբշամարտի մինչև 20 տարեկանների Եվրոպայի առաջնության արծաթ:
Վաղվանից պայքարի մեջ են մտնելու ազատ ոճային ըմբիշները։ Հայաստանի հավաքականը ներկայացված է լինելու ինը քաշային կարգում։
Հիշեցնենք, որ ըմբշամարտի երիտասարդական առաջնությունն անցկացվում է Սանտյագո դե Կոմպոստելա քաղաքում հունիսի 26-ից հուլիսի 2-ը: