ԵՐԵՎԱՆ, 27 հունիսի – Sputnik. Մոսկվայի հյուսիս–արևելքում գտնվող «Օստանկինո» հեռուստաաշտարակը ստուգում են «ռումբի» մասին անանուն հաղորդագրություն ստանալուց հետո, շենքի մուտքը փակ է։ Այս մասին հայտնում է ՌԻԱ Նովոստին` հղում անելով Մոսկվայի արտակարգ ծառայությունների ներկայացուցչին։
Նախօրեին «Օստանկինոն» արդեն «ականապատել» էին, շենքը ստուգելուց հետո հեռուստաաշտարակը բացել էին այցելուների համար։
«Անանուն զանգ էր ստացվել «Օստանկինոյի» աշտարակի հետ կապված։ Կինոլոգների խումբ է մեկնել ստուգման համար», – ասել է գործակալության զրուցակիցը։
Նա հավելել է, որ ստուգման ժամանակ հեռուստաաշտարակի մուտքը փակվել է, աշխատակիցները լքել են իրենց աշխատատեղերը։
ՌԴ տարբեր քաղաքներում կեղծ ահազանգեր են շարունակում ստացվել 2019 թվականի վերջից։ Դրանք եղել են դատարանների, առևտրի կենտրոնների, մետրոյի կայարանների, ավիացիայի և երկաթուղային ենթակառուցվածքների, դպրոցների և բուժհիմնարկների վերաբերյալ։ Պայթյունների հետ կապված վտանգները որևէ անգամ չեն հաստատվել, սակայն օրենքի համաձայն՝ յուրաքանչյուր նման ահազանգ պետք է ստուգվի։