ԵՐԵՎԱՆ, 27 հունիսի – Sputnik. Լոռու մարզի Ախթալա քաղաքում ծառը պոկվել և ընկել է ընթացող ավտոմեքենայի վրա։ Այս մասին տեղեկանում ենք ՀՀ ՆԳՆ փրկարար ծառայությունից։
«Պարզվել է, որ քաղաքի Թումանյան փողոցի թիվ 10 հասցեի մոտակայքում ծառն ընկել է «VAZ» մակնիշի ավտոմեքենայի վրա. ճանապարհը դարձել է միակողմանի երթևեկելի»,–ասված է հաղորդագրությունում։
Ավտոմեքենայի վրա ծառի ընկնելու հետևանքով մեքենայում արգելափակվել են վարորդ Հ. Դ.-ն (ծնված 1953 թ.) և ուղևոր Է. Դ.-ն (ծնված 1950 թ.)։ Նրանց տեղի ուժերով դուրս են բերել ավտոմեքենայից։
Նշվում է, որ փրկարարները հեռացրել են ծառը. երթևեկությունը երկկողմանի վերականգնվել է։