ԵՐԵՎԱՆ, 25 հունիսի – Sputnik. Լեհաստանի Կրակով քաղաքում անցկացվող բռնցքամարտի մրցաշարում +92 կգ քաշայինների մեկնարկային մենամարտում Դավիթ Չալոյանը մրցեց Սերբիայի ներկայացուցիչ Վլադան Բաբիչի հետ և վստահ հաղթանակ տարավ 5:0 հաշվով:
Դավիթ Չալոյանի և Վլադան Բաբիչի մենամարտը Կրակովում
© Sputnik / Asatur Yesayants
Առաջին ռաունդում միայն մեկ մրցավար հաղթանակը տվեց սերբ բռնցքամարտիկին Հայաստանի ներկայացուցիչը հաղթեց 4:1 հաշվով: Երկրորդ ու երրորդ ռաունդներում Չալոյանը ոչ մի հնարավորություն չտվեց մրցակցին:
Դավիթ Չալոյանի և Վլադան Բաբիչի մենամարտը Կրակովում
© Sputnik / Asatur Yesayants
Ինչպես արդեն հայտնել ենք, այսօր ռինգ դուրս եկած Հայաստանի ներկայացուցիչներից հաղթանակ է տարել նաև Գուրգեն Մադոյանը, Անի Հովսեփյանը և Նարեկ Հովհաննիսյանը լքել են պայքարը: