Էդվարդ Ասրյանը Գերմանիայում հանդիպել է Եվրոպայում ԱՄՆ զորքերի հրամանատարության հետ

12:49, 22 հունիսի 2023
Էդվարդ Ասրյանի հանդիպումը Գերմանիայում
© Photo : official site of MoD of RA
Համաժողովի շրջանակներում նախատեսվում են ՀՀ ԶՈւ ԳՇ պետի մի շարք հանդիպումներ եվրոպացի գործընկերների հետ։
Sputnik
ԵՐԵՎԱՆ, 22 հունիսի – Sputnik. ՀՀ ԶՈւ ԳՇ պետ, պաշտպանության նախարարի առաջին տեղակալ, գեներալ-մայոր Էդվարդ Ասրյանը Գերմանիայում հանդիպել է Եվրոպայում ԱՄՆ զորքերի հրամանատարության հետ։ Տեղեկությունը հայտնում է ՊՆ մամուլի ծառայությունը։
По приглашению командующего сухопутными войсками США в Европе генерала Дэрила Уильямса делегация во главе с начальником Генштаба ВС РА Эдвардом Асряном отбыла с рабочим визитом в Германию для участия в ежегодном Форуме европейских армий
Էդվարդ Ասրյանն ու ԱՄՆ ցամաքային զորքերի շտաբի պետ, գեներալ Ջեյմս ՄքՔոնվիլը
© Photo : official site of MoD of RA
Նշենք, որ Եվրոպայում ԱՄՆ ցամաքային զորքերի հրամանատար, գեներալ Դերիլ Ուիլյամսի հրավերով Ասրյանի գլխավորած պատվիրակությունն աշխատանքային այցով մեկնել է Գերմանիա՝ մասնակցելու Եվրոպական բանակների ամենամյա համաժողովին։
«Համաժողովի առաջին օրը տեղի է ունեցել գեներալ-մայոր Էդվարդ Ասրյանի ոչ ֆորմալ հանդիպումն ԱՄՆ ցամաքային զորքերի շտաբի պետ, գեներալ Ջեյմս ՄքՔոնվիլի հետ»,–նշված է հաղորդագրության մեջ։
Համաժողովի շրջանակներում նախատեսվում են ՀՀ ԶՈւ ԳՇ պետի մի շարք այլ հանդիպումներ եվրոպացի գործընկերների հետ։
Էդվարդ Ասրյանը Եվրոպայում ցամաքային զորքերի հրետանու պետ, հայազգի գեներալ-մայոր Ստեֆան Մարանյանի հետ
© Photo : official site of MoD of RA
Ասրյանը նույն ձևաչափով հանդիպել է նաև Եվրոպայում ցամաքային զորքերի հրետանու պետ, հայազգի գեներալ-մայոր Ստեֆան Մարանյանի հետ:
Էդվարդ ԱսրյանԳերմանիաԱՄՆՀՀ ԶՈւ գլխավոր շտաբՀՀ պաշտպանության նախարարություն (ՊՆ)