Ներկրողը բացառել է, որ դադարեցվի Ռուսաստան «Արարատ» կոնյակի մատակարարումները

ԵՐԵՎԱՆ, 21 հունիսի – Sputnik. «Արարատ» կոնյակի մատակարարումները Ռուսաստան ընթանում են արտադրողի հետ գործող պայմանագրերի շրջանակում և կշարունակվեն, եթե որևէ խնդիր առաջանա՝ ելք կգտնվի։ Այս մասին Պետերբուրգի միջազգային տնտեսական համաժողովի շրջանակում ՌԻԱ Նովոստիի հետ զրույցում հայտարարել է երկիր խոշորագույն գինու ներկրող «Luding Group» ընկերության գործադիր տնօրեն Էռնեստ Խաչատուրյանը։

Մայիսի վերջին ընկերությունը հայտնել էր, որ «Pernod Ricard»–ից ծանուցում չի ստացել «Արարատ» կոնյակի հետ կապված համագործակցության դադարեցման մասին և շարունակում է դրա մատակարարումները ռուսական շուկա։ Pernod Ricard–ն ավելի վաղ որոշել էր դադարեցնել իր արտադրանքի արտահանումը Ռուսաստան։

Մայիսի վերջին «Pernod Ricard»–ը հայտարարել էր, որ ապրիլի վերջին դադարեցրել է դեպի Ռուսաստան իր բոլոր միջազգային ապրանքանիշերի արտահանումը։ Նշվում էր, որ ընկերությունը կդադարեցնի երկրում իր արտադրանքը տարածել։ Ընկերության պորտֆելում տասնյակ ապրանքանիշներ են, այդ թվում «Chivas Regal», «Jameson», «Ballantine's» վիսկիները, «Absolut» օղին, «Olmeca» տեկիլան, «Havana» ռոմն ու «Ararat» կոնյակը։

ՀՀ էկոնոմիկայի նախարար Վահան Քերոբյանն իր հերթին մայիսի կեսերին հայտարարել էր, որ Pernod Ricard–ին պատկանող Երևանի կոնյակի գործարանը կարող է դադարեցնել ՌԴ իր արտադրանքի արտահանումը։

Պետերբուրգի միջազգային տնտեսական համաժողովն անցկացվել է հունիսի 14-17-ը։