ԵՐԵՎԱՆ, 19 հունիսի – Sputnik. ՀՀ գլխավոր դատախազությունը պահանջ է ներկայացրել դատարանին՝ 2017-2018 թվականներին Ընդերքի գործակալության պետի պաշտոնակատար Ա.Ա.-ից և վերջինիս փոխկապակցված 1 անձից հօգուտ ՀՀ–ի բռնագանձել խոշոր գումար և անշարժ գույք։
Տեղեկությունը հայտնում են ՀՀ գլխավոր դատախազությունից։
Մասնավորապես`
Երևան քաղաքում և Կոտայքի մարզում գտնվող 2 անշարժ գույք, իսկ անհնարինության դեպքում՝ դրանց միջին շուկայական արժեքը՝ շուրջ 60 մլն 802 հազար 500 դրամ.
Երևան քաղաքում գտնվող անշարժ գույքի ներկայիս միջին շուկայական արժեքի չափով գումարը՝ 83 մլն 655 հազար դրամ.
«MITSUBISHI PAJERO» մակնիշի տրանսպորտային միջոցը.
«Լեոնարդո և ընկերներ» ՍՊ ընկերության 50 տոկոս բաժնեմասը.
382 մլն 14 հազար դրամի չափով գումար, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել: