ԵՐԵՎԱՆ, 16 հունիսի – Sputnik. Բելգորոդի մարզի վրա հարձակումները ՌԴ-ին հզոր գործողությունների հրահրելու փորձ են: Այս մասին Սանկտ Պետերբուրգի միջազգային տնտեսական համաժողովի ժամանակ հայտարարել է Ռուսաստանի նախագահ Վլադիմիր Պուտինը:
Նշենք, որ Ուկրաինայի կողմից պարբերաբար գնդակոծվող սահմանային Շեբեկինսկի շրջանը վերջին անգամ գնդակոծվել էր հունիսի 1-ին։ Մարզի նահանգապետ Վյաչեսլավ Գլադկովի տվյալներով ՝ գնդակոծությունները պարբերաբար շարունակվում են։ Մարդիկ զանգվածաբար լքում են քաղաքն ու շրջակայքը։
«Բոլորը սպասում են, որ մենք սկսենք սեղմել կոճակները, բայց մենք դա չենք անի, ռազմական հաջողություններ Կիևը չունի», - ասել է Ռուսաստանի ղեկավարը:
Պուտինի խոսքով ՝ Ռուսաստանին դժվար չէ Կիևի կենտրոնում գտնվող ցանկացած շենք ոչնչացնելը, սակայն մի շարք նկատառումներով դա չի արվում:
ՌԴ նախագահը նշել է, որ Ռուսաստանը գրեթե շփումներ չունի ԱՄՆ-ի հետ, սակայն շփումից Մոսկվան չէ հրաժարվել։ Միևնույն ժամանակ, նա չի բացառել, որ եթե ԱՄՆ-ում այլ վարչակազմ լիներ, Ուկրաինայի հետ կապված իրավիճակում հնարավոր կլիներ այլ ճանապարհով գնալ:
Նրա խոսքով ՝ ԱՄՆ-ն Ռուսաստանի հետ շփումների փոխարեն ընտրել է Ուկրաինային տեխնիկա մատակարարելը։
«Այրենք, տեսնենք, թե ինչ կլինի հետո», – հայտարարել Է Պուտինը:
Հիշեցնենք, որ Սանկտ Պետերբուրգի միջազգային տնտեսական համաժողովն անցկացվում է հունիսի 14-17-ը։