ԵՐԵՎԱՆ, 14 հունիսի–Sputnik. Մասիս քաղաքում ավտոմեքենան կողաշրջվել է, մեկ մարդ տեղում մահացել է, հայտնում են ՆԳՆ–ից։
Արարատի մարզային փրկարարական վարչության ճգնաժամային կառավարման կենտրոն ահազանգը ստացվել է հունիսի 14-ին, ժամը 04։50-ին։ Հայտնել են, որ Մասիս քաղաքի ոստիկանության հարևանությամբ՝ խաչմերուկում, տեղի է ունեցել ՃՏՊ. կան տուժածներ:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Մասիս քաղաքի 4-րդ փողոցում «Opel» մակնիշի ավտոմեքենան (վարորդ՝ Ն. Պ., ծնված 1959 թ.) կողաշրջվել է, ինչի հետևանքով ուղևոր Ռ. Մ.-ն (ծնված 1963 թ.) տեղում մահացել է, իսկ վարորդը հոսպիտալացվել՝ «Էրեբունի» ԲԿ:
Փրկարարները հոսանքազրկել են ավտոմեքենան և փակել գազի բալոնի փականը: