ԵՐԵՎԱՆ, 14 հունիսի – Sputnik. Հայաստանի հրաձգության հավաքականը ցանկանում է մասնակցել Բաքվում կայանալիք աշխարհի առաջնությանը։ Տեղեկությունը Sputnik Արմենիային հայտնեց հավաքականի գլխավոր մարզիչ Սեյրան Նիկողոսյանը:
«Աշխարհի առաջնությունն անցկացվելու է օգոստոսի 14-ից սեպտեմբերի 3-ը։ Նամակով դիմել ենք հյուրընկալող երկրին, սպասում ենք նրանց պատասխանին: Եթե մեզ տան անվտանգության երաշխիքներ, մեծ կազմով կմեկնենք Բաքու»,– ասաց նա։
Նիկողոսյանի խոսքով` ֆեդերացիայի ղեկավարությունը ևս դրական է արձագանքել Բաքու մեկնելու ցանկությանը:
Նշենք, որ Հայաստանի թիմն այժմ պատրաստվում է Եվրոպական խաղերին։