ԵՐԵՎԱՆ, 13 հունիսի – Sputnik. Թուրքիան այսօր պաշտոնապես հյուպատոսություն է բացել Չինաստանի հարավարևմտյան Սիչուան նահանգի Չենդու քաղաքում: Տեղեկությունը հայտնում է ՌԻԱ Նովոստին՝ հղում անելով Չինաստանի արտգործնախարարությանը։
Նշվում է, որ սա Թուրքիայի արդեն երրորդ դիվանագիտական առաքելությունն է Չինաստանում. այդ պետությունը դեսպանություն ունի Պեկինում և հյուպատոսություն Շանհայում:
Բացման արարողության ժամանակ ՉԺՀ ԱԳՆ հյուպատոսական դեպարտամենտի տնօրեն Ու Սին վստահություն է հայտնել, որ գլխավոր հյուպատոսությունը նոր կամուրջ կդառնա Չինաստանի և Թուրքիայի միջև բարեկամական փոխանակումների և փոխշահավետ համագործակցության համար: