ԵՐԵՎԱՆ, 13 հունիսի – Sputnik. Երևանի ավագանու ընտրություններում «Քաղաքացիական պայմանագիր» կուսակցության նախընտրական շտաբը կղեկավարի ՀՀ ԱԻ նախարար Արմեն Փամբուխչյանը: Տեղեկությունը Sputnik Արմենիայի հետ զրույցում հայտնեց նախարարության մամուլի խոսնակ Հայկ Կոստանյանը։
Նշենք, որ Փամբուխչյանի լիազորությունները որպես ԱԻ նախարար ավարտվում են հունիսի 30–ին, քանի որ ԱԻ նախարարությունը լուծարվում է։
Փրկարար ծառայությունն արդեն իսկ մտել է ՀՀ ներքին գործերի նախարարության կազմի մեջ:
Հիշեցնենք, որ Երևանի ավագանու ընտրությունները տեղի կունենան սեպտեմբերի 17-ին: «Քաղաքացիական պայմանագիր» կուսակցության քաղաքապետի թեկնածուն նախկին փոխվարչապետ, այժմ Երևանի փոխքաղաքապետ Տիգրան Ավինյանն է: