ԵՐԵՎԱՆ, 13 հունիսի – Sputnik. Երասխի ուղղությամբ Ադրբեջանի ԶՈւ կրակի հետևանքով վնասվել է քաղաքացիական ավտոմեքենա և այլ օբյեկտ: Տեղեկությունը հայտնում է ՊՆ նախարարությունը։
Գերատեսչությունը նաև լուսանկարներ է հրապարակել, որոնցում երևում են վնասված ավտոմեքենան ու տարածքի պատերը։
Քիչ առաջ ՀՀ արտաքին գործերի նախարարությունը հայտնեց, որ ադրբեջանական կողմն այսօր թիրախավորված կրակ է վարել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ:
Հիշեցնենք` հունիսի 3-ին ՀՀ էկոնոմիկայի նախարար Վահան Քերոբյանը հայտարարեց, որ Երասխում կառուցվում է հայ-ամերիկյան մետալուրգիական գործարան։
14 հունիսի 2023, 13:49