ԵՐԵՎԱՆ, 12 հունիսի – Sputnik. Վրաստանի արտակարգ իրավիճակների կառավարման ծառայությունը լայնածավալ վարժանքներ կանցկացնի Հայաստանի, Ադրբեջանի և Մոլդովայի հրշեջ-փրկարարական կազմավորումների մասնակցությամբ: Տեղեկությունը հայտնում է Sputnik Գրուզիան։
«Վարժանքներն անցկացվելու են հունիսի 12-16-ը անտառային հրդեհների թեմայով նախապես մշակված սցենարով»,– գրում է կայքը։
Նշվում է, որ վարժանքների նպատակն է լայնածավալ բնական աղետների ժամանակ համապատասխան գերատեսչությունների համակարգումն ու կապը: