ԵՐԵՎԱՆ, 12 հունիսի–Sputnik. Մեր հանրության ընդհանուր բարեկեցությունը կամ ՀՀ կառավարության կողմից տրվող ծառայությունների ծավալը 2022 թ–ին ավելին եղավ, քան պլանավորված էր։ ՀՀ ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստի ժամանակ այս մասին հայտարարեց ՀՀ ֆինանանսերի նախարար Վահե Հովհաննիսյանը։
«Այն ծախսերը, որոնք պետք է ՀՀ կառավարությունն աներ 2023 և 2024 թթ, դրանց մի մասը կարողացել է ավելի շուտ իրականացնել։ Դա էլ է ուրախալի, քանի որ վստահություն է տալիս, որ հետագա բյուջետային մեր պլանավորման ժամանակ մենք կարող ենք ավելի հավակնոտ ծրագրեր կազմել։ Մենք նաև ունենք կատարման կարողությունների ավելացում»,– ընդգծեց նախարարը։
Ըստ Վահե Հովհաննիսյանի` 2022 թ–ն բարեհաջող տարի էր նաև բյուջեի կատարման իմաստով, քանի որ տնտեսական աճը հնարավորություն տվեց ունենալ հավելյալ եկամուտներ և իրականացնել այնպիսի ծախսեր, որոնք կառավարության ծրագրի կատարման ընթացքն ավելի առաջ գցեցին։
ՀՀ ԱԺ ֆինանսավարկային և բյուջետային հարցերի մշտական հանձնաժողովը 4 կողմ, 1 դեմ ձայների հարաբերակցությամ դրական եզարակություն տվեց 2022 թ պետական բյուջեի կատրման ծրագրին։
Դեմ էր միայն «Հայաստան» խմբակցության պատգամավոր Արթուր Խաչատրյանը։
2022 թ պետական բյուջեի կատարման ծրագիրը կներկայացվի ՀՀ ԱԺ լիագումար նիստի քննարկմանը։