ԵՐԵՎԱՆ, 10 հունիսի – Sputnik. Կոլումբիայում ավիավթարից ավելի քան մեկ ամիս անց ողջ մնացած երեխաների են գտել։ Այս մասին հայտնում է ՌԻԱ Նովոստին՝ վկայակոչելով տեղական Tiempo պարբերականը։
Ավելի վաղ տեղական ԶԼՄ - ները հայտնել էին, որ երեխաները 13, 9, 4 տարեկան և 11 ամսական են:
Զինված ուժերի աղբյուրները հաղորդում են, որ մայիսի 1 - ից անհետ կորած համարվող երեխաները ողջ են հայտնաբերվել։ Cessna 206 ինքնաթիռը, որով նրանք թռչում էին, վթարի էր ենթարկվել։ Օդանավի մյուս երեք ուևորները զոհվել էին։
Ինչպես նշում են աղբյուրները, երեխաներին գտել են զինվորներն ու տեղաբնակները։
Երեխաներին գտած զինվորներն ու տեղաբնակները
© Photo : РИА Новости
Պարբերականի տվյալներով ՝ երեխաները ջրազրկված են և տուժել են միջատների խայթոցներից։
Cessna 206 ինքնաթիռը, որը Արարակուարայից Սան Խոսե դել Գուավյարե էր ուղևորվում, երկրի հարավում գտնվող Կակետա դեպարտամենտին հայտնել է շարժիչի խափանման մասին և մայիսի 1-ին վթարային ազդանշան տվել: Այն հայտնաբերվել է ավելի քան 370 ժամ որոնումներից հետո։ Ինքնաթիռում եղել է օդաչուի մարմինը, սակայն վեց ուղևորները, որոնցից չորսը անչափահասներ են, չեն եղել ո՛չ սրահում, ո՛չ էլ ինքնաթիռի շրջակայքում: Tiempo-ի տվյալներով ՝ ավելի ուշ հայտնաբերվել են երկրորդ օդաչու Հերման Մենդոսայի և ուղևորուհի, չորս երեխաների մայր Մագդալենա Մուկուտուի դին: