ԵՐԵՎԱՆ, 10 հունիսի - Sputnik. Ի տարբերություն այլ մթերքների` շաքարավազն աշխարհում շարունակում է թանկանալ։ 2023 թվականի մայիսին այս ապրանքի գինը, ըստ FAO-ի (ՄԱԿ-ի պարենի և գյուղատնտեսության կազմակերպություն) ինդեքսի, 31%-ով բարձր է եղել մեկ տարի առաջվա համեմատությամբ այն դեպքում, երբ մսի արժեքը նվազել է5%-ով, իսկ արևածաղկի ձեթինը` 40%-ով։
Շաքար արտադրողների եվրոպական ասոցիացիայի գլխավոր տնօրենի տեղակալ Ջոշուա Գարտլանդը Food Ingredients First ոլորտային պարբերականին տված հարցազրույցում ասել ո, որ վերջին տարիներին շաքարի գինը ցածր է եղել: 2023 թվականի փետրվարին ասոցիացիան քաղցրավենիքի գների վերաբերյալ մոնիթորինգ է իրականացրել եվրոպական սուպերմարկետներում և արձանագրել, որ պաղպաղակի գնի մեջ շաքարի մասնաբաժինը կազմում է ընդամենը 3%, իսկ վաֆլիների գնի մեջ` 7%։
Այդ պատճառով է երկու տարվա ընթացքում` 2021 թվականի փետրվարից ի վեր, այդ ապրանքների գինն աճել համապատասխանաբար ընդամենը 1.6% և 3.6%-ով։ Անցյալ տարի ԵՄ-ում շաքար արտադրողները բարձրացրել են գները էներգակիրների (գազ և ածուխ) գների բարձրացման պատճառով: Թեև վերջին ամիսներին էներգիայի գները նվազել են, սակայն դրանց ազդեցությունը ինքնարժեքի մեջ զգացվում է մինչ օրս ինչպես Եվրամիությունում, այնպես էլ ամբողջ աշխարհում։
Եվրոպայում շաքարի ճակնդեղի բերքատվությունը նվազել է այն պատճառով, որ ԵՄ կարգավորող մարմինները կրճատել են օգտագործման համար թույլատրված պարարտանյութերի ցանկը:
Եվրամիությունում շաքարը կարող է թանկանալ նաև այն պատճառով, որ հունիսի 5-ից մինչև սեպտեմբեր Ուկրաինայում դրա արտահանումն արգելվել է։
Հնդկաստանում բերքի սպասումներն աճել են մուսոնային անձրևների սեզոնի սկսվելուն զուգահետ, բայց ամռան ամիսներին դրան կարող է երաշտ հաջորդելկլիմայական ֆենոմենի պատճառով, որը հայտնի է որպես Էլ Նինյո: Հարավային Ամերիկայում այն ուղեկցվում է հորդառատ անձրևներով, Հնդկաստանում` չոր եղանակով։ ԱՄՆ-ի կլիմայի կանխատեսումների կենտրոնն այս տարի Էլ Նինյոյի հավանականությունը գնահատում է94%:
Միևնույն ժամանակ, Բրազիլիայում շաքարեղեգի լավ բերք են սպասում, և բենզինի ցածր գների պատճառով տեղական արտադրողները ավելի քիչ շաքար են թորում վառելիքի էթանոլի համար:
Միևնույն ժամանակ, Բրազիլիայում շաքարեղեգի լավ բերք են սպասում, և բենզինի ցածր գների պատճառով տեղական արտադրողները ավելի քիչ շաքար են թորում վառելիքի էթանոլի համար:
Սա մեծացնում է շուկայում շաքարի մատակարարումը: Այսպիսով, առաջիկա ամիսներին շաքարավազի գների կտրուկ բարձրացում չի սպասվում։