ԵՐԵՎԱՆ, 8 հունիսի – Sputnik. ԵԱՏՄ երկրները ճանաչելու են Միության տարածքում շնորհած գիտական աստիճանները։ Այս մասին հայտարարել է Ռուսաստանի վարչապետ Միխայիլ Միշուստինը` ելույթ ունենալով ԵԱՏՄ միջկառավարական խորհրդի նիստից հետո հրավիրված ճեպազրույցի ժամանակ։
ՌԴ վարչապետը հավելել է, որ նախկինում քննարկվող համաձայնագիրն արդեն ստորագրվել է։ Այսպիսով, հինգ պետությունների այն մասնագետները, որոնք գիտական աստիճան ունեն, կկարողանան անխոչընդոտ աշխատել իրենց մասնագիտությամբ Միության ողջ տարածքում։ Նախկինում դրա համար անհրաժեշտ էր մի շարք բյուրոկրատական գործընթացներ անցնել, որոնք խիստ տարբերվում էին՝ կախված երկրից և գիտական հաստատությունից։ Այժմ այդ ամենի անհրաժեշտությունը չի լինի։
«Ներկայիս որոշումը հիանալի խթան կհողորդի մեր երկրների միջև բարձր որակավորում ունեցող մասնագետների փոխանակման համար։ Ապրանքների, ծառայությունների, կապիտալի և աշխատուժի տեղաշարժի համար մենք ևս մեկ խոչընդոտ կվերացնենք», – հավելել է Միշուստինը։
Նշենք, որ Հայաստանի կառավարությունն այդ համաձայնագրին հավանություն է տվել մայիսին։