ԵՐԵՎԱՆ, 6 հունիսի – Sputnik. ԱՄՆ ֆինանսների նախարարությունը չինական հինգ ընկերության և Չինաստանի չորս քաղաքացու նկատմամբ պատժամիջոցներ է սահմանել իրանական բալիստիկ ծրագրում ներգրավվելու համար: Տեղեկությունը հայտնում է ամերիկյան ֆինանսական գերատեսչությունը։
Պեկինում, Ցինդաոյում, Հոնկոնգում և ՉԺՀ-ի այլ շրջաններում գրանցված առևտրային և մեքենաշինական ընկերությունների, դրանց ղեկավարների նկատմամբ երկրորդային պատժամիջոցներ են սահմանվել թույլ տրված խախտումների համար:
Պատժամիջոցները վերաբերում են նաև իրանական մեկ ընկերության և Իրանի երկու քաղաքացու: