ԵՐԵՎԱՆ, 2 հունիսի – Sputnik. 2022 թվականին ՀՀ նախագահի հրամանագրով Հայաստանի Հանրապետության քաղաքացիություն է շնորհվել 19 600 անձանց։ Այսօր Ազգային ժողովի պետական-իրավական հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում 2022 թ. պետական բյուջեի կատարման մասին հաշվետվությունը ներկայացնելիս տեղեկությունը հայտնեց ՀՀ նախագահի աշխատակազմի ղեկավար Խաչատուր Պողոսյանը։
Համեմատության համար նա նշեց, որ 2021 թվականին 7300 անձի է քաղաքացիություն շնորհվել։
«2022 թվականին նախագահի հրամանագրերով դադարեցվել է 4400 անձի քաղաքացիությունը»,- ասաց նա։
Նա նաև տեղեկացրեց, որ «Հանրապետության նախագահի լիազորությունների ապահովում» ծրագրով հաստատված 1 մլրդ 602 մլն դրամ տարեկան գումարից փաստացի ծախսվել է 1 մլրդ 231 մլն դրամը։